ALALÁ XOIAS
O luxo na costura
Baixar
Baixar
Baixar
Baixar
Baixar
Baixar
Baixar
2020
Un Alalá é unha peza de costura clásica, deseñada e cosida sen présas (de catro a vinte semanas), e enriquecida cos máis fermosos adobíos.
Alalá é unha actitude, un xeito singular de sentir a cultura do vestir.
Sobre todos e cada un dos traxes xoia de ALALÁ flota unha intensa sensación de luxo, calma e voluptuosidade, froito do virtuosismo e mestría cos que se aborda cada novo proxecto.
Na liña xoia abondan as referencias ás aristocráticas heroínas de Goya, á epicúrea feminidade das pinturas fauvistas ou á simboloxía e forza da cor do mestre Seoane.
Abelorios de cristal, adornos de metal e porcelana, pedras preciosas e semipreciosas, contas de madeira, tules, plumas, acibeche e metais preciosos fan de cada Alalá un traxe xoia único e irrepetible.
Na liña xoia, os forros, os ollais, os bordados e cosidos fanse enteiramente a man, sendo o punto mestre o noso selo distintivo, o punto que marca a diferenza.
As nosas pezas xoia cobran vida a partir dunha toile ou glasilla, que representa unha parte imprescindible do noso traballo. É o prototipo no que marcamos pinzas, escotes, caídas etc. A toile permítenos axustar ata o milímetro o deseño e obter o patrón final que fixe os cimentos do modelo definitivo.
A nosa singularidade reside, probablemente, en imaxinar e facer realidade pezas irrepetibles que poñan de manifesto a esencia da muller ou do home que as lucirá, conxugando deseño atemporal coa máis refinada costura artesá.
En Alalá Couture creamos para unha muller que ao mirarse nun espello brilla de emoción envolta nos diminutos cristais do seu vestido de noite, para unha muller que elixe vestir un furró de paillettes segura de que, ao seu paso, o tempo vai deterse, para unha muller á que acariñan as levísimas gasas bordadas do seu vestido de cola mentres contempla París desde o outeiro do Sacre-Coeur.
